TOMPOKOLAHY SY TOMPOKOVAVY AMIN’NY ANARAN’NY MPAMPIANTRANO, NY (IISS)

INSTITUT INTERNATIONAL DES SCIENCES SOCIALES NO IARAHABANA ANTSIKA REHETRA TONGASOA ETO AMIN’ITY LANONANA MANAN-TANTARA ITY, LANONANA FANKALAZANA NY FIVOAHAN’NY ANDIANY VOALOHANY NAMPITONDRAINA NY ANARANA HOE “TAMBATRA”, IZAY NIANATRA MOMBA NY FINANCE – OPTION MÉTIER BANCAIRE.

ARAHABA SY FITIAVANA

ARAHABA AM-PANAJANA SY FENO FITIAVANA HO AN’NY SOLONTENAN’NY PAMF – PREMIÈRE AGENCE DE MICROFINANCE DE MADAGASCAR IZAY TARIHIN’ANDRIAMATOA TALE JENERALY, IANAREO MPAMPIANATRA SY MPANABE AVY ATO AMIN’NY IISS, IANAREO RAY AMAN-DRENY SY FIANAKAVIANA, IANAREO VAHINY MANAN-KAJA TONGA ETO HANOTRONA SY HIZARA HAFALIANA AMIN’ITY ANDRO LEHIBE ITY. ARY INDRINDRA IANAREO MPIANATRA 10 MENDRIKA IZAY HANDRAY NY MARIM-PANKASITRAHANA ANDROANY ANTONY HIVORIANTSIKA ETO ANIO.

RY HAVANA,

NY LANONANA ANDROANY DIA TSY FAMARANANA FIOFANANA FOTSINY, FA VOKATRA HITA MASO AMIN’NY FIARAHA-MIASA TEO AMIN’NY IISS SY NY PAMF, IZAY NANAMAFY NY FAMPIFANDRAISANA NY TEORIA SY NY FAMPIHARANA, NY FIANARANA SY NY ASA, ARY NY FANABEAZANA SY NY FIARAHA-MIENTANA.

NY IISS MOA IZAY TOERAM-PANABEAZANA NISOKATRA TAMIN’NY TAONA 2019 ARY MANANA NY FANKATOAVANA AVY AMIN’NY MINISTERA MPIAHY, EO AMIN’NY SEHATRY NY GESTION DE PROJET/ECONOMIE/COMMUNICATION ET SOCIETE/HSET ARY INDRINDRA NY FINANCE IZAY SAMPANA MISY IREO VOKATRA HATREHANTSIKA ANIO;

TAMIN’NY ALALAN’NY CONVENTION DE PARTENARIAT NIFANEKEN’NY ROA TONTA DIA NAMOLAVOLA FIOFANANA MANOKANA ISIKA HO AN’NY TANORA AMIN’NY SEHATRA ARA-BOLA, MBA HAHAFAHAN’IZY IREO MIDITRA AMIN’NY TONTOLON’NY BANKY SY MICROFINANCE AM-PAHATOKISANA SY AM-PAHAIZANA.

“

IO FIARAHA-MIASA IO DIA TARATRY NY VINA IOMBONANA: NY IISS AMIN’NY FANOMEZANA FAHAIZA-MANAO AKADEMIKA SY PEDAGOJIKA, ARY NY PAMF AMIN’NY FANOMEZANA TRAIKEFA MIVANTANA SY TONTOLO IASANA MANAN-KERY. IZANY NO FOTOTRA NAHATERAHAN’NY ANDIANY “TAMBATRA”.

— FOTOTRA NAHATERAHAN’NY ANDIANY TAMBATRA —

MÉTIER BANCAIRE

REHEFA LAZAINA NY HOE MÉTIER BANCAIRE, DIA TSY MIDIKA HOE MIASA AMIN’NY BANKY FOTSINY. MIDIKA IZANY HOE FITANTANANA AM-PITANDREMANA NY VOLA SY NY FITOKISANA, FANAPAHAN-KEVITRA HENTITRA SY MARINA, ARY FANOMPOANA NY MPIARA-BELONA AMIN’NY FAHAIZA-MANAO SY FAHITSIANA.

IREO MPIANATRA NAHAVITA ITY FIOFANANA ITY DIA NANDALO DINGANA ROA LEHIBE: FIOFANANA ARA-TEORIA SY AKADEMIKA TATO AMIN’NY IISS AR ANDRIAMATOA FAMPIHARANA SY TRAIKEFA MIVANTANA TAO AMIN’NY PAMF. IZANY NO MAHATONGA AZY IREO HO VONONA AMIN’NY FIAINAM-PIASANA SY NY TONTOLO ARA-BOLA MISY ANKEHITRINY.

RY MPIANATRA – ANDIANY TAMBATRA

NY ANARANA “TAMBATRA” DIA TSY NOFIDINAREO TAMIN’NY KISENDRASENDRA. MIDIKA IZANY HOE FIRAISANKINA, FIARAHA-MIENTANA ARY FANOLORAN-TENA HO AMIN’NY FAHOMBIAZANA.

IO NO TENA MAHA-SAMIHAFA ANAREO AMIN’NY ANDIANY HAFA: NAMPIRAISINA NY FAHAIZA-MANAO ARA-TSAINA, NY TRAIKEFA ARY NY TOETRA MAHA-OLONA, KA NAHATONGA VOKATRA MENDRIKA SY AVO LENTA.

RAMANITRINIONY Hajamihaingo Kaella
RAMANITRINIONY Hajamihaingo Kaella
TAMBATRA 2025
RAVELOARISOA Tsiorinirainy Sarobidy
RAVELOARISOA Tsiorinirainy Sarobidy
TAMBATRA 2025
RAKOTOSOA Sandy Irinah Elodie
RAKOTOSOA Sandy Irinah Elodie
TAMBATRA 2025
TOTO Ruvaldo Ricardo
TOTO Ruvaldo Ricardo
TAMBATRA 2025
RAZANAMANGA Haingo Faraniaina
RAZANAMANGA Haingo Faraniaina
TAMBATRA 2025
RANDIMBIARISON Nahariniantsa Laurencia
RANDIMBIARISON Nahariniantsa Laurencia
TAMBATRA 2025
RAMBELOSON Nytiana Malala Penih
RAMBELOSON Nytiana Malala Penih
TAMBATRA 2025
RAZAFINDRAMANANA Parfin
RAZAFINDRAMANANA Parfin
TAMBATRA 2025
RAZAFINTSOLANY Elvisca Ménikah
RAZAFINTSOLANY Elvisca Ménikah
TAMBATRA 2025
RANDRIAMAMPIANINA Mamiharinaval Nirina Elisé
RANDRIAMAMPIANINA Mamiharinaval Nirina Elisé
TAMBATRA 2025

FANKASITRAHANA

AMIN’NY ANARAN’NY IISS, DIA MANEHO FANKASITRAHANA SY FISAORANA LEHIBE HO AN’NY PAMF TAMIN’NY FITOKISANA SY NY FANOHANANA FENO. FISAORANA IHANY KOA HO AN’IREO MPAMPIANATRA, MPANABE, ARY IREO RAY AMAN-DRENY IZAY NITAIZA SY NANOHANA TSY TAPAKA.

HO ANAREO MPIANATRA ANDIANY “TAMBATRA”, AOKA HITONDRA FAHENDRENA, FAHAIZANA ARY FITIAVANA NY ASA NY FIANARANA AZONAREO. AOKA HO OHATRA AMIN’NY TANORA MAHEFA SY MANAJA SOATOAVINA IANAREO EO AMIN’NY FIARAHA-MONINA.

TAMBATRA ISIKA, KA REHEFA MIRAY, TSY MISY TSY TANTERAKA.

Fiara-miasa manan-tantara eo amin’ny sehatry ny fampianarana sy ny asa ara-bola. Vokatra mendrika avy amin’ny firaika-mientana.

Taona 2025 • Andiany Voalohany

TAMBATRA – Firaika-mientana ho amin’ny fahombiazana

IISS
Institut International des Sciences Sociales

PAMF
Première Agence de Microfinance de Madagascar

MISAOTRA TOMPOKO. MANKASITRAKA TOMPOKOLAHY MANKASITRAKA TOMPOKOVAVY.